Generalentreprise, Bankbygget i Åmot

Sammendrag

Vinje kommune skal gjennomføre ei omfattande rehabilitering og ombygging av Bankbygget i Åmot sentrum, gnr./bnr. 35/110. Bygget rommar både offentlege og private verksemder, mellom anna banklokale i plan 1, og prosjektet skal difor gjennomførast med omsyn til drift i delar av bygget. Tiltaket omfattar hovudsakleg innvendig ombygging av areal i både første og andre etasje. Arbeida inkluderer oppgradering av inngangsparti, etablering av nytt overbygd hovudinngangspunkt, ombygging av garderober og toalett, nye kontorløysingar samt tilpassing av romstrukturen for å styrke funksjonalitet, sikkerheit og arbeidsmiljø. I bankdelen skal eksisterande spiraltrapp fjernast, og etasjeskiljet skal lukkast. Det skal gjennomførast fleire tekniske oppgraderingar i bygget: utskifting av ventilasjonsanlegg, etablering av nytt SD-anlegg for styring av ventilasjon, varme og lys, overgang til moderne LED-belysning, samt utskifting av brannsentral med bakoverkompatibel løysing. Nye brann­detektorar skal installerast både i ombyggingsområde og der himling vert endra. Elektriske installasjonar og jording skal oppgraderast, og det skal etablerast nytt jordspyd og hovudjordskinne. Sanitær- og varmeinstallasjonar blir ombygd med nye leidningar, sluk og teknisk utstyr. Prosjektet inkluderer òg bygningsmessige tiltak for å lukke avvik i brannsikkerheit, basert på gjeldande analyser og oppdaterte løysingar i plan 1 og 2. Det skal etablerast nye himlingssystem, overflater skal oppgraderast i tråd med rombehandlingsskjema, og fleire tilstøtande konstruksjonar skal forsterkast eller fornyast etter teknisk behov. Prosjektet vert regulert av konkurransegrunnlaget Del 1 og Del 2, teikningsunderlag samt mengdebeskrivelse etter NS 3420.