Rådgjevaroppdrag for utarbeiding av klimaanalyse for ny brannstasjon i Selje

Sammendrag

Stad kommune skal oppføre ein ny brannstasjon i Selje og ønskjer tilbod på utarbeiding av klimaanalyse for tiltaket. Tiltakshavar har fått utarbeidd plan- og fasadeteikningar som skal leggast til grunn for vidare arbeid. Kommunen ønskjer å få utarbeidd ei klimaanalyse som gir auka kunnskap om korleis ein kan ta berekraftige val knytt til materialbruk, tekniske løysingar og gjennomføring av byggjeprosjektet, med særleg vekt på reduksjon av klimagassutslepp og kostnader over byggets livsløp. Klimaanalysen skal nyttast aktivt i den vidare prosjektutviklinga og gi kommunen eit fagleg og etterprøvbart grunnlag for val av løysingar som skal innarbeidast i funksjonsskildring og kravspesifikasjon til entreprenør.